Tixdan gabayga ah waxay ka tarjumaysaa xaaladda gobolada S. S. C. Gabaygan waxa tiriyey: Axmed Xuseen Canshuur. Waa kan gabaygii:
　
Diricyada inoo kaca tolkeen, waa u daraadaane
Dooddiisa kii loo bogiyo, deeqsinimadiisa
Geesigooda iyagaa diloo, daysan ma hayaane
Horaa loo deldelay duubabkii, diirada u sidaye
Difaacooda maalkiyo naftaba, kii u diriraaya
Dembi suu ka galay bay dabraan, lama dadaalaane
Inaan hadalkan deelqaaf ku jirin, waxaw daliilkiiya
Degaamada xorayn iyo midnimo, nimanki loo doortay
S. S. C. dabkay ololiyeen, qaarka daminaaya
Maantana dariiqii horiyo, damacu waa kiiye
Waa kuwo dantii aan lahayn, diidan oo rabine
Allow yaa u diga diradirayn, doorkan waa halise
　
Isku duubnidaa lagu noqdaa, dowlad xoog badane
Shisheeyaha durbaanka u tumay, daacad bidayaane
Allo yaa u diga duul is nacay, dabar go’ weeyaane
Dabinada la qooliyo xadhkahan, laysu wada daadsho
Hadal debecsan deris iyo aqoon, dollar bixintiisa
Ciddii lagu dagaayaan waqeed, soo durdurinayne
Allow yaa u diga daaq tagani, waa dar xumadoode

Email: Cashuur101@hotmail.com